Shpesh, midis dadove dhe fëmijëve të vegjël, krijohet një marrëdhënie besimi dhe dashurie, një lidhje që shkon përtej gjakut dhe që i mbijeton kohës dhe vështirësive. Kiersten Miles, një vajzë 22-vjeçare që ka filluar punën me familjen Rosko për të përballuar studimet e saj, e di mirë këtë. Vajza menjëherë krijoi një lidhje shumë të fortë me tre fëmijët e familjes Rosko dhe në veçanti me më të voglën, Talia, vetëm 9 muajshe. Duke qenë më e vogël, ajo kishte nevojë për Kiersten më shumë dhe një marrëdhënie e veçantë u krijua mes të dyjave.
Kur familja Rosko zbuloi se foshnja kishte një sëmundje të rrallë të mëlçisë, Kiersten i ofroi asaj ndihmën e saj. Vajza e vogël kishte nevojë për një transplantim dhe dadoja vendosi t’i jepte një pjesë të saj, pavarësisht se operacioni dhe procesi nuk ishte i lehtë. Kiersten iu nënshtrua një prove për të parë nëse ishte në përputhje me Talian. Përgjigjet dhanë një rezultat pozitiv: ajo mund t’i dhuronte një pjesë të mëlçisë foshnjës.
Talia dhe Kiersten në janar të vitit 2017 iu nënshtruan një ndërhyrjeje 14-orëshe. Një pjesë e mëlçisë së Kierstenit u implantua te Talia. Operacioni shkoi mirë. Të dyja janë mirë dhe tani Talia është një fëmijë që gëzon shëndet të plotë dhe bën gjithçka si çdo fëmijë tjetër, luan, flet shëtit, sikur të mos kishte qenë sëmurë asnjëherë. Lidhja e tyre është më e fortë pas operacionit, tani kanë diçka që i lidh përgjithmonë./Burimi «PËR NËNAT»
