Mustafa Sezgin Seymen dhe e fejuara e tij Sezen Arseven ishin mes 500 personave qe kishin zgjedhur të festonin natën e ndërrimit të viteve në club “Reina” në Stamboll, por dora gjakatare e atentatorit i ndau përgjithmonë.
Në një nga gazetat më të mëdha turke “Hurryet” shkruan për historinë fatkeqe të çiftit që prisnin të martoheshin gjatë vitit 2017, por që u ndanë pa dëshirë dy netë më parë, kur një anëtar i ISIS hapi zjarr dhe la të vdekur 39 persona, mes tyre edhe Mustafain, i cili i doli plumbave para për të mbrojtuar të fejuarën e tij Sezen Arseven, e cila mbeti e plagosur.
Po sipas “Hurryet” e fejuara e Mustafait ka emocionuar mjaft persona me anë të një poezie të ndjerë kushtuar njeriu të zemrës, poezi e cila është shpërndarë menjëherë në rrjete sociale dhe ka bërë shumë njerëz të përloten.
Në vargjet e saj vajza shprehet:
“Nga vendi ku shkuam bashkë, po kthehem e vetme
Personi që kujdesej që unë të isha e gëzuar dhe me plot dashuri
Që edhe në gjumë më dhuronte puthje
Në këto momente ka mbetur vetëm një kujtim në foto
Do të të pres gjithmonë në vendin që më prisje
Dashuria jonë mbeti në gjysmë…bashkëshorti im!
Miq, kam humbur dashurinë e jetës sime!
Goditja për familjen e Mustafait ishte edhe më e madhe pasi 22 vite më parë ata janë goditur nga një tjetër sulm terrorist.
Ensigh Ali Ihsan Seymen, pjesë e xhandarmërisë është vrarë në moshën 23 vjeçare në një shkëmbim zjarri me terroristët.
Sipas “Hurryet” ai ka lidhje familjare me Mustafa Sezgin Seymen.
