Sulmuesi i Juventus Paolo Dybala ka zbuluar se vdekja e babait të tij i ka dhënë forcën për t’u bërë futbollist profesionist.
I ardhur nga Laguna Larga, një qytezë në jug të Cordobas së Argjentinës, ishylli i Palermos kujton kohët kur babai i tij e çonte në qytet për të luajtur me Instituto Cordoba.
Dybala ishte vetëm 12 vjeç kur i vdiq i ati, një dekadë më vonë, lojtari i përfaqësueses argjentinase shprehet se ajo dhimbje madhe e ka bërë më të fortë si njeri.
“Unë vij nga një qytet i vogël, por ëndrrat i kisha të mëdha. Kur isha i vogël doja të luaja për Instituto Cordoba dhe familja ime shpesh më
shoqëronte, sidomos babai dhe vëllai im. Kam shumë kujtime të bukura me babanë tim, çka e bën dhimbjen e humbjes së tij më të madhe,” shprehet 22vjeçari gjatë një interviste për televizionin argjentinas El Chiringuito de Jugones. “Eksperienca që kam kaluar më ka bërë më të fortë në ndjekjen e ëndrrës sime, dhe më ka rritur si person dhe tani po luaj për një nga klubet më të mira në botë.”
Dybala është kthyer në një nga lojtarët kryesorë të Juventusit, duke bërë mos të ndihet fare largimi i Carlos Teves, duke shënuar 14 gola në 29 ndeshje të Seria A. Sulmuesi ka zbuluar edhe miqësinë e tij me kolegun Alvaro Morata, teksa gjithashtu pranon se ishte shumë i emocionuar kur mori lëvdatat e Lionel Messit. “Të luash për Juventusin është një nder, dhe një ëndërr që është bërë realitet. Morata është një djalë i mbarë, tani që jemi shokë. Kur luaja te Palermo ai më ka goditur shumë fortë gjatë një ndërhyrjeje. Por ja kam falur. Kur një lojtar si Messi të bën një kompliment aq të ngrohtë, duke më cilësuar si pasardhësin e tij në përfaqësuesen e argjentinase, tregon që jam duke bërë paraqitje të mira.”
