Janë arrestuar dhe u dërguan në burg Mucciolo Michele dhe Alessio Alberigo, dy nga tre pronarët e një pike bastesh “Eurobet e Imperia”, shkatërruar në sulmin e 2 Nëntorit 2015, ku vdiqën dy nga tre sulmuesit shqiptarë.
Ngjarja ndodhi rreth orës 3 të mëngjesit, ku Albert Jakupaj, Aranit Ismajlukaj dhe Mretjev Ismajlukaj, tentuan të digjnin një pikë bastesh në sheshin Calvi në qytezën Liguria, Itali.
Në tentativë e sipër, një nga kanaçet me benzinë që do përdoreshin për t’i vënë flakën lokalit, i shpërtheu Albert Jakupajt në dorë, duke e lënë atë të vdekur në vend ndërkohë që u plagos shumë rëndë bashkëkombasi tjetër i tij Aranit Ismajlukaj, i cili ndërroi jetë pak ditë më vonë.
Dyshimet e policisë janë tani se pronarët e kësaj pike bastesh kishin porositur shqiptarët në mënyrë që të bënin një atentat të rremë për vrasje që të përfitonin siguracion nga shteti.
Në burg përfundoi edhe Mretiev Ismajlukaj, kushëriri i njërit prej dy shqiptarëve që ndërruan jetë.
Kohët e fundit ky u lirua sepse vendosi të bashkëpunojë me hetuesit. Më shumë detaje priten në orët e ardhshme shkruajnë mediat italiane. / Panorama.al
