Jia Jia është 6 vjeçarja e cila është kthyer në fenomen në Kinë. Ajo prej 2 vitesh kujdeset e vetme për babain e paralizuar pasi nëna i ka braktisur.
Vajza zgjohet çdo ditë në orën 6 të mëngjesit për të masazhuar muskujt e të atit Tian Haicheng për gjysmë ore, më pas i pastron dhëmbët dhe fytyrën derisa shkon në shkollë.
Haicheng mbeti i paralizuar pas një aksidenti të rëndë me makinë, ndërsa pas ngjarjes, bashkëshortja mori djalin e madh dhe e brakstisi atë duke e lënë vetëm me vajzën 6 vjeçare.
Jia shprehet se ajo kurrë nuk ndihet e lodhur duke ndihmuar babain e saj.
“Ajo më tha që do të qëndronte në shtëpinë e nënës së saj për disa ditë. Por ajo nuk u kthye, dhe mori djalin tonë me vete”, ka thënë 40 vjeçari.
Ndërsa vogëlushja e pyetur nga gazetarët nëse i mungonte nëna, është shprehur “Jo, sepse nuk kujdeset për babin. Por më mungon vëllai im. E doja shumë . Me mungon ai.”
