Historia e 50-vjeçarit shqiptar, nga punëtor i thjeshtë në krye të bandës së drogës

Një operacion i policisë italiane, i quajtur ZZ, ka lëshuar 6 urdhër arreste për atë që konsiderohet organizata italo-shqiptare i dedikuar për kontrabandën e “pluhurit të bardhë”, siç bëjnë me dije mediat italiane.

3 persona janë vënë nën pranga nga policia italiane nën akuzën e trafikut të lëndëve narkotike, ndërsa tre të tjerë janë shpallur në kërkim. Në grupin e përbërë nga shqiptarë dhe italianë ka spikatur edhe emri i një ish-futbollisti te Serise B, 47-vjeçari Giorgio Camporese, i cili do të përfshihej edhe në shpërndarjen me shumicë duke shfrytezuar njohjet e tij te shumta.

Por koka e grupit është shqiptari Selim Osmani, punetor i thjeshtë në një mobileri, i cili më pas kishte marre me qira hapesira magazinash dhe i kishte shnderruar ne magazina për drogën.

Osmani kishte blerë aksione dhe kishte marrë detyrën e administratorit të fabrikës së mobiljeve “Carma Cucine” në Colle Umberto, aty ku kohë më parë kishte qenë një punëtor.

Ne pranga u vunë shqiptaret Ermir Kola, 31 vjeç dhe Klaudjan Koka 28 vjeç si dhe ish-futbollisti italian Giorgio Camporese . Nderkohe ne kerkim jane Selim Osmani 50 vjeç dhe vëllezërit e tij Florian dhe Shkëlzen 26 dhe 36 vjeç.

Gjatë operacionit u arrestuan ne gjithashtu Steven Trentin qe iu gjet nje sasi e vogel kokaine dhe Artan Ginaj.

Banda ishte nën hetim prej më shumë se një viti dhe nga kontrollet e ushtruara janë gjetur disa kilogramë kokainë.