Pëllumbi lindi shëndosh e mirë, bashkë me të vëllanë binjak. Nëna e tyre nuk kishte qumësht për t’i ushqyer të dy fëmijët, ndaj e la të birin në spitalin e Dibrës. Anifja rrëfen se kur shkoi ta merrte e gjeti të birin me dëmtime në tru. Ajo akuzon stafin e këtij spitali për mungesë kujdesi.
Koha ka kaluar, Pëllumbi tani është 16 vjeç. Ai është shumë i turpshëm, por lufton për një jetë si gjithë të tjerët. Shembulli i tij është Kujtimi, vëllai binjak që shkon në shkollë, luan dhe ka shumë miq.
Pëllumb nuk ka…
“Dëshira ime më e madhe është të shkoj në shkollë”, shprehet ai.
Pëllumbi nuk mund të ndjekë mësimet për shkak të paaftësisë për të ecur dhe folur normalisht. Prindërit kanë tentuar disa herë ta bëjnë pjesë të komunitetit, por janë terhequr pasi moshatarët e vënë në lojë.
Edhe pse situata është e zymtë, Pëllumbi dhe nëna e tij nuk e kanë humbur shpresën.
Siç raporton World Vision në Shqipëri janë 48 840 fëmijë me “aftësi të ndryshme”, dhe shumica e tyre janë jashtë sistemeve shkollore dhe arsimore. Ëorld Vision thotë se ka hapur shkolla verore dhe ka trajnuar mësues për tu përkujdesur për fëmijët e kësaj kategorie.
