Një familje në Rroskovec e ka gjetur dimri në çadër, pasi reshjet e shiut i shkatërruan shtëpinë. Përveç familjes Fisheku, në Rroskovec janë edhe 50 familje, të cilat rrezikojnë të mbeten të pastreha. Kjo ka bërë që të mendohet për një plan emergjence.
Nuk kanë më cati mbi kokë. Një cadër e dhuruar do të jetë streha e tyre në kulmin e dimrit. Kjo është familja Fisheku në fshatin Vidhisht të Rroskovecit. Nga shtëpia e varfër ku jetonin tre anëtarët e kësaj familjeje, kanë mbetur vetëm rrënoja.
Ky do të jetë dimri më i vështirë i jetës për tre anëtarët e familjes Kallashi.
Një këmbanë alarmi për bashkinë e Rroskovecit që vendosi ta publikojë vetë rastin. Prej 2 muajsh janë mbledhur paratë e mjaftueshme për ndërtimi e shtëpisë nga e para.
Punimet do të zgjasin të paktën dy muaj. Deri atëherë çadra do të jetë streha e këtyre banorëve.
Janë të paktën 50 familje në të gjithë Rroskovecin që përveç varfërisë rrezikojnë të mbeten të pastrehë. Mes tyre ka edhe të ngjajshme me rastin e familjes kallashi cka ka detyruar bashkinë të hartojë një plan shpëtimi.
Vala e fundit e reshjeve përveç dëmeve të shumta në të mbjella dhe sera nuk kurseu as shtëpitë e vjetëra të pjesës më të varfër të banorëe në Rroskovec. Familjet që jetojnë në varfëri ekstreme janë me dhjetëra në të gjithë Rroskovecin. Mes tyre ka nga ato që jetojnë në shtëpi të rrenuara të cilat rrezikojnë shembjen.
