Himara voton sot për të zgjedhur kryebashkiakun.
Në garë përballë njëri-tjetrit do të jenë socialisti Vangjel Tavo dhe përfaqësuesi i opozitës Petro Gjikuria.
Procesi i votimit është hapur në orën 7:00 dhe pritet të mbyllet në orën 19:00 të mbrëmjes.
Ai ka vijuar rregullisht në të gjitha qendrat. Deri në këto momente nuk janë identifikuar problematika në lidhje me identifikimin elektronik të zgjedhësve.
Rreth orës 10:00 pritet që kandidati socialist, Vangjel Tavo të votojë në Palasë, ndërsa kandidati i opozitës, Petro Gjikuria në Dhërmi.
Mësohet se është vënë re interes edhe nga emigrantët që jetojnë në Greqi, të cilët kanë ardhur në Shqipëri për të zgjedhur kryebashkiakun.
Kujtojmë se 23 mijë e 74 qytetarë me të drejtë vote janë thirrur për të shprehur vullnetin e tyre në 36 qendra votimi.
Zgjedhjet në Himarë mbahen për shkak të dënimit me 2 vjet burg të kryebashkiakut të zgjedhur Fredi Beleri për blerje votash.
