SPAK ka kryer ditën e sotme kontrolle në disa kompani farmaceutike dhe në banesën e ish-ministrit të Shëndetësisë, Ilir Beqaj.
Mësohet se ky kontroll vjen në kuadër të hetimit pasuror që po kryhet ndaj Beqajt.
Ish-ministri është nën hetim, i dyshuar për shpërdorim detyre, për koncensionin e sterilizimit të mjeteve spitalore, një shërbim që u dha me koncension në vitin 2015.
Kujtojmë se GJKKO ka urdhëruar ish-ministrin që mos të largohet nga territori i Shqipërisë dhe të paraqitet çdo të premte në policinë gjyqësore.
