Organizata Botërore e Shëndetësisë (OBSH) shpreson se Kina do t’i ftojë zyrtarët e saj të marrin pjesë në hetimet mbi origjinën koronavirusit të ri.
“OBSH-ja do të dëshironte të punonte me partnerët ndërkombëtarë për të marrë pjesë në hetimet rreth origjinës së virusit”, i tha AFP-së zëdhënësi i OBSH-së, Tarik Jasareviq.
Ai tha se OBSH-ja është në dijeni të një numri hetimesh në Kinë për të kuptuar më mirë burimin e shpërthimit të pandemisë, por shtoi se aktualisht organizata nuk është e përfshirë në këto studime.
Presidenti amerikan, Donald Trump, deklaroi se virusi mund të ketë dalë nga një laborator sekret kinez, ndërsa Kina i ka mohuar kategorikisht akuzat.
Trump ka kritikuar ashpër dhe ka pezulluar fondet e Uashingtonit për OBSH-në pasi sipas tij ajo e keqmenaxhoi situatën./Opinion.al
