Qytetarë nga Elbasani janë thirrur këtë të mërkurë në Prokurorinë e Posaçme për të dhënë deklarime, lidhur me kryerjen e check up-it, procedurë që tashmë është nën hetim nga SPAK.
Në flet-thirrjen e tyre thuhet se marrja e dëshmisë është në funksion të procedimit nr. 122 të vitit 2020.
Ndërkohë siç shihet nga pamjet, shumë qytetarë qëndrojnë në pritje jashtë ambienteve të Prokurorisë.
Ata do të pyeten veçmas dhe do t’i përgjigjen pyetjeve të hetuesve të BKH se sa herë kanë kryer “check up-in”, dhe në çfarë qendrash e kanë bërë atë.
