Kryetari i Komisionit të Zgjedhjeve Debar Biba ka mbajtur një fjalin në fund të mbledhjes për heqjen e mandateve të deputetëve Shkëlqim Selami dhe Dashamir Tahiri si dhe të kryetarit të Bashkisë së Kavajës, Elvis Rroshi. Aktualisht anëtarët e KQZ janë terhequr për të marrë vendim.
Kryetari Biba në fjalën e tij la të kuptohet se do të votojë pro heqjes së mandateve edhe pse kjo do të ketë pasoja në jetët e personave në fjalë por ai dha se ata duhet ta çojnë çështjen në gjykatën administrative pse jo edhe në Kushtetuese.
Në fjalën e tij, Biba u shpreh se prokuroria ka bërë gafa në materialet që i ka përcjell KQZ për personat që janë subjekt i ligjit të dekriminalizimit. Ai solli rastin e Rroshit, ku prokuroria shkruan “ka kryer marrëdhënie seksuale” dhe ka harruar të shkruajnë “me dhunë”.
Fjala e kreut të KQZ, Denar Biba: Që në fillim kishim debatin nëse do të ishim noterë formalë të prokurorisë apo do ti lejonim vetes edhe diskutime. Jo çdo gjë që po ndodh sot ka qenë në dorën e KQZ. Vendimmarrja përcaktohet nga legjislacioni i cili na ngarkon me këtë detyrë megjithëse jemi një institucion që menaxhon zgjedhjet, legjislacioni deshi që KQZ ti caktojë këtë detyrë të re që ska qenë më parë. Kam edhe një verejtje për prokurorinë që duhet ta kishte bërë më mirë detyrën e vet. Duhet të kishim një konkluzion të plotë të gjetjeve për subjekete. Po ju them një rast që kam përpara ku thotë “ka kryer marrëdhënie seksuale”. Tani nëse kjo është vepër penale të gjithë ne që jemi këtu të oaktën ata që janë me fëmijë duhet të ishim dënuar. Pra ka harruar prokuroria të shkruaj marrëdhënie me dhunë.
Unë nuk po i vë në diskutim gjetjet e prokurorisë se në fund edhe përgjegjësia i mbetet asaj dhe jo KQZ. Vendimi që ne marrim sot mund të sfidohet në gjykatë dhe uroj që kështu të jetë. Gjyqësori të thotë fjalën e vet.
Komisioni tërhiqet për të marrë vendimin.
