Ish – kancelari gjerman, Helmut Kohl, vlerësoi se Europa nuk mund të bëhet një atdhe i dytë për emigrantët dhe kritikoi politikën e Angela Merkel mbi këtë çështje, në parathënien e librit të tij të ri.
I cituar nga gazeta “Tagesspiegel”, ky tekst që hap vëllimin hungarez të librit të tij të fundit “Për hir të Europës”, vlerëson se “zgjidhja ndaj krizës migratore nuk është në Europë por në rajonet e prekura”.
“Evropa nuk mund të bëhet një atdhe i ri për miliona persona që janë në emergjencë në të gjithë botën”, tha ish – kancelari që do të takohet të martën me Victor Orban, kryeminisri hungarez dhe kundërshtar i fuqishëm i politikës migratore të Angela Merkel.
Pa e përmendur, Kohl kritikon, sipas gazetës, vendimin e marrë nga kancelarja vjeshtën e kaluar për pritjen e migrantëve në Gjermani./Klan
