Pas incidentit të shënuar në shkollën “Janaq Kilica” në Fier, policia ka proceduar penalisht një 19-vjeçar.
Sipas autoriteteve, i riu ka përdorur sprajtin me lëndë gazi në ambientet e brendshme të shkollës së mesme në datën 04 mars 2020, gjë e cila shkaktoi helmimin nxënësve të tjerë.
“Ky shtetas, në bashkëpunim me dy nxënësit e tjerë të cilët u proceduan më parë në gjendje të lirë, dyshohet se ka përdorur sprajt me lëndë gazi me mbishkrimin “DIVA” në ambientet e brendshme të shkollës, duke shkaktuar shqetësime në frymëmarrje te disa nxënës të shkollës” – bën me dije policia./ Opinion.al
