TIRANE- Helikopteri që u rrëzua në liqen, i Forcave të Armatosura nuk kishte kuti të zezë. Ajo çka do të analizohet nga prokuroria për të nxjerrë shkaqet e aksidentit është kamera regjistruese. Këshilltarja për mediat e Ministrisë së Mbrojtjes e pyetur nga Opinion.al rreth hetimeve dhe pjesëve të nxjerra nga liqeni sqaroi se ky lloj helikopteri EC 145 nuk ka “kuti të zezë”, por është gjetur dhe do të jetë pjesë e hetimeve, kamera që ka qenë e vendosur në helikopter mes dy pilotëve. E ashtuqujtura “kuti e zezë” është në fakt një kamera regjistrurse audio dhe video e cila është gjetur tashmë dhe do të analizohet nga hetuesit.
Ja njoftimi i plotë Shtabit të FA për pjesët e gjetura në liqen të helikopterit të rrëzuar.
Shtabi i Përgjithshëm i Forcave të Armatosura informon opinionin publik lidhur me ecurinë e deritanishme të punës që po bëhet për zbardhjen e ngjarjes tragjike me helikopterin e aksidentuar EC 145. Ekspertet e kompanise prodhuese Eurocopter si dhe eksperte ushtarake amerikane te specializuar per kete lloj helikopteri, te thirrur nga Ministria e Mbrojtjes per te asistuar ne zbardhjen e ngjarjes, kane asistuar grupin hetimor te kryesuar nga prokuroria per te nxjerre kameren regjistruese. Qe nga ai moment “Kamera regjistruese” është në dispozicion të Prokurorisë, e cila po heton çështjen. Ndërkohë, gjatë paradites së sotme, polumbare te Policise se Shtetit dhe atyre të FA, si dhe mjete të tjera logjistike, kane bërë të mundur nxjerrjen e trupit të dëmtuar të helikopterit nga liqeni. Shtabi i Përgjithshëm i FA dhe Ministria e Mbrojtjes vijojnë bashkëpunimin intensiv me Prokurorinë.
/Opinion.al
