Deputeti i Partisë Demokratike, Dashnor Sula ka marrë fjalën në Kuvend, ku ka folur për ndërtimin e hekurudhës Tiranë-Durrës, për të cilën është kërkuar fond shtesë.
Nga foltorja, Sula me tone të ashpra u shpreh se kjo nuk është hera e parë që kërkohen fonde shtesë për projekte të caktuara, të thëna këto sipas tij edhe nga vet ish zv. kryeministri Arben Ahmetaj.
Pjesë nga fjala e Dashnor Sulës:
‘Mos mendoni se ne jemi kundër hekurudhës apo rrugëve, por më gjeni një kontratë të vetme ju mua që në mes të projektit nuk keni rritur financimin për së dyti. Rrugën e Elbasanit a e rritet prap ju, tuneli i llogarasë a e rritët prap. Rruga e Qafë Pllocës e keni rritur disa herë dhe këto si themi ne, por i ka thënë Arben Ahmetaj, që në tavolina restorantesh në Stamboll vendoset fati i një rrugë dhe i një tenderi në Shqipëri. Tmerri juaj do jetë Ahmetaj, ai pavarisisht se ça ka bërë po ju çjerr maskën. Ish- gruan e tij e keni persekutuar që s’ka asnjë pikë faji, se u nda me Ahmetajn, këtë e bëni për të detyruar Ahmetajn që të heshti. Kjo nuk është çnjerëzore, jeni bërë si Enver Hoxha që të persekutonte’, tha ai.
