MILOT- Gjendja në Rrugën e Kombit është alarmante, konkretisht në segmetin Milot-Rrëshen. 20 kamionë dhe 4 fadroma të ushtrisë po punojnë për të shmangur gërryerjen nga lumi Mat në Skuraj të Kurbinit. Ujërat e lumit i janë afruar sërish bazamentit të rrugës se Kombit pavarësisht se një jave më parë u realizua ndërhyrja në këtë segment rrugor.
Shkak janë bërë prurjet e shumta në lumin Mat pas shkarkimeve nga hidrocentralet e Shkopetit dhe Ulzes. Në zonën e rrezikuar janë vendosur edhe efektivë të policisë rrugore që monitorojnë lëvizjen.
Në një gjatësi thuajse 500 metra, rrjedha e lumit ka nisur të gërryejë duke marrë përpara dherat dhe duke përparuar drejt bazamentit të rrugës.
