Ish-presidenti i Kosovës, Hashim Thaçi, është kthyer në Prishtinë sot me leje të Gjykatës Speciale. Ai ka mbërritur në QKUK, ku po e viziton babanë e tij të shtruar në një nga klinikat e spitalit.
Thaçi është shoqëruar nga policia në momentin e vajtjes në spital.
Deri më tani nuk ka detaje se sa do të qëndrojë Thaçi në Prishtinë.
Kjo është hera e katërt që Thaçi ka bërë kërkesë për t’i mundësuar një vizitë humanitare për babain, i cili është në gjendje të rëndë në spital.
Hashim Thaçi është duke u gjykuar nga Gjykata Speciale në Hagë së bashku me Rexhep Selimin, Kadri Veselin dhe Jakup Krasniqin me akuza të rënda për krime të kryera gjatë luftës, të cilat ata i kanë mohuar me forcë.
