Ministri për Evropën dhe Punët e Jashtme, Igli Hasani, ka zhvilluar një takim me kryetaren e Komunës së Luginës së Preshevës, Ardita Sinani.
Në këtë takim ai rikonfimoi mbështetjen dhe angazhimin e veçantë të Qeverisë Shqiptare ndaj zhvillimeve në Luginën e Preshevës dhe problematikave me të cilat përballen shqiptarët atje.
“Me Ardita Sinanin, kryetaren e Komunës së Preshevës.
Kënaqësi të ndanim me të diskutime frytdhënëse mbi forcimin e bashkëpunimit me institucionet e reja të dala nga zgjedhjet lokale, me faktorët politikë, socialë dhe ekonomikë në Luginën e Preshevës, si dhe mbrojtjen e të drejtave dhe lirive të shqiptarëve.
Rikonfirmova vëmendjen dhe angazhimin e veçantë të Qeverisë ndaj zhvillimeve në Luginën e Preshevës dhe problematikave me të cilat përballen shqiptarët atje.
Jo vetëm mbështetje politike por edhe nisma konkrete, përmes projektesh zhvillimore, në fushën e ekonomisë, të arsimit, kulturës dhe punësimit”, shkruan Hasani.
