Ministri Igli Hasani priti në një takim në ambientet e MEPJ, kryetarin e Komisionit për Politikën e Jashtme të Asamblesë së Madhe Kombëtare të Turqisë, Fuat Oktay.
Në këtë takim Hasani dhe Oktay ndanë bashkërisht mendimin se duhen rritur përpjekjet e përbashkëta mes dy vendeve që të përforcohet bashkëpunimi ekonomik, politik e tregtar.
Lajmin për këtë takim e ka bërë të ditur ministri për Evropën dhe Punët e Jashtme, Igli Hasani në një postim në rrjetin social “Facebook”, ku ndër të tjera shkruan rreth vlerësimit të partneritetit Shqipëri-Turqi.
“Turqinë mike e vlerësojmë si një partner strategjik dhe aleat kyç, ndërsa mbetemi përherë të angazhuar për t’i thelluar marrëdhëniet tona dypalëshe dhe përtej”, shkruan Hasani.
Postimi i ministrit Hasani
Turqinë mike e vlerësojmë si një partner strategjik dhe aleat kyç, ndërsa mbetemi përherë të angazhuar për t’i thelluar marrëdhëniet tona dypalëshe dhe përtej.
Sot mikpritja në mjediset e MEPJ, Kryetarin e Komisionit për Politikën e Jashtme të Asamblesë së Madhe Kombëtare të Turqisë, z. Fuat Oktay, me të cilin ndamë bashkërisht mendimin se duhet të rrisim përpjekjet e përbashkëta mes dy vendeve tona që përforcojnë bashkëpunimin ekonomik, politik e tregtar.
