Në emisionin “Opinion” është diskutuar mbi kryesimin e Shqipërisë të mbledhjes së Këshillit të Sigurimit në OKB.
Ish- zëvendësministrja e Jashtme, Edith Harxhi ka komentuar drejtimin që kryeministri Edi Rama i bëri kësaj mbledhje, në të cilën nuk munguan as përplasjet mes tij dhe delegacionit rus për çështjen e Ukrainës.
Sipas Harxhit, mbledhja pati vlerë për Shqipërinë, por ajo që ndodhi aty ishte një show politik ‘alla’ Enver Hoxha-Hrushov i Ramës.
Po ashtu, ish-zëvendësministrja theksoi gjithashtu se mbledhja e Këshillit të Sigurimit duhej të kryesohej nga Presidenti Bajram Begaj dhe jo nga kryeministri Edi Rama.
“Ajo e sotshmja për mua ka vlerë, ka vlerë për Shqipërinë sa i takon vendosjes së Shqipërisë që ne e kemi nisur në 2007 në këtë axhendë të lartë ndërkombëtare, por ka një problem të madh. Ishte një show alla Enver Hoxha-Hrushov. Asgjë tjetër përveç kësaj dhe një përdorim i politikës së jashtme të Shqipërisë dhe axhendës së politikës së jashtme të Shqipërisë”, tha Harxhi.
Edith Harxhi: Mbledhja e Këshillit të Sigurimit sot vjen në një moment që normalisht aty duhet të ishte Presidenti i Republikës. Shkohet me nivelin e ministrit të Jashtëm. Në mungesë të ministrit të Jashtëm meqenëse edhe zoti Hasani është vendosur para disa ditësh si ministër i Jashtëm normalisht duhet të ishte Presidenti. Edhe ky është si rregull protokollar.
Blendi Fevziu: Pse nuk ishte presidenti?
Edith Harxhi: Sepse ishte një shoë politik, një përdorim i politikës së jashtme të Shqipërisë nga Edi Rama. Një shoë politik për të fshehur problemet e tij të brendshme dhe për të fshehur kryesisht çështjen McGonigal. Kjo mbledhje sot vjen një ditë pas kërkesës të kryesuesit të ligjeve të Kongresit amerikan drejtuar FBI-së.
