Anil Polat, bloger i udhëtimit dhe inxhinier i sigurisë kompjuterike, po e afron botën duke krijuar një hartë interaktive të cilën ai e përditëson rregullisht dhe zbulon fjalëkalimet Wi-Fi të dhjetra aeroporteve anembanë botës.
The independent ka publikuar hartën ku tregon kodet e Wi- Fi të shumë aeroporteve të botës, ku ndër to është regjistruar edhe kodi i WI-Fi i aeroportit Nënë Tereza.
Kliko në një aeroport në hartë për të parë fjalëkalimin ashtu edhe vendndodhjen e Wi-Fi. Polat, i cili shpreson të vizitojë çdo vend në botë, ka një blog të quajtur foXoMad, i cili synon t’i ndihmojë njerëzit “të udhëtojnë më zgjuar”.
Harta e tij WiFox përditësohet rregullisht, bazuar në informacionet e verifikuara të dorëzuara nga udhëtarët.
Nëse klikojmë tek Shqipëria, do të na dalë Aeroporti i Nënë Terezës. Gjithashtu do të gjeni edhe Aeroportin e Serbisë e Shkupit./Tirana Post
