Kryeministri në detyrë i Kosovës, Ramush Haradinaj, Presidenti Meta dhe Ministri i Shtetit për Cështjet Vendore, Blendi Çuçi kanë qenë në Durrës ku kanë vëzhguar nga afër situatën e krijuar pas tërmetit.
Në një prononcim për mediat, Haradinaj tha se Kosova do të vazhdojë ti jap ndihmë të mëtejme Shqipërisë gjatë gjithë përballimit të situatës.
Ai bëri të ditur se në Kosovë është një numër i madh qytetarësh që janë strehuar tek të njohurit e tyre si dhe në një ish-kamp gjerman i cili është hapur për “të mos lënë njerëzit në qiell të hapur” siç tha ai pavarësisht se pranoi se kushtet nuk janë nga më të mirat.
Ndërkaq, Presidenti Meta falënderoi edhe njëherë shtetin e Kosovës për të gjithë ndihmën e dhënë duke theksuar se Forcat e specializuara të Kosovës kanë vepruar njësoj si ato të çdo vendi të NATO.
“Solidariteti e ka bërë më të lehtë përballimin e kësaj dhimbjeje”, tha Meta.
Ministri i emëruar i plotfuqishëm në operacionin për përballimin e gjendjes së fatkeqësisë natyrore, Blendi Çuçi falënderoi Kryeministrin e Kosovës dhe përgëzoi forcat e Kosovës, për një “performancë mbresëlënëse ne përballimin e krizës.”
Ai njoftoi gjithashtu se forcat e Kosovës do të jen ende të pranishëm me inxhinierë dhe ekipe të specializuara. /Opinion.al
