Seanca e sotme ndaj Ramush Haradinaj zgjati rreth dy orë. Pas përfundimit të seancës në Colmar të Francës ai ka folur për mediat, duke bërë të ditur se vendimi për të është shtyrë për më 2 Mars. “Gjykata sot nuk ka marrë vendim. Vendimi do të jepet me 2 mars. Kërkesa për ekstradim nga ana e Serbisë është abuzim”, ka thënë Haradinaj në përfundim të seancës. Ai do të vazhdojë të qendrojë në Francë edhe këtë muaj.
Ish-Kryeministri i Kosovës u ndalua më 4 Janar në Francë në bazë të një një fletë-arresti të Serbisë, nën akuzat për krime lufte. Serbia ka kërkuar ekstradimin e tij dhe nxjerrjen para gjykatave serbe, ndërsa Haradinaj thotë se për akuzat serbe është shpallur i pafajshëm në Hagë.
