Hapja e ambasadës amerikanë në Jerusalem ka shkaktuar dhunë barbare në vend. Të paktën 18 palestinezë në Gaza janë qëlluar për vdekje nga trupat izraelite pas përleshjeve të përgjakshme që shpërthyen në kufi, thonë zyrtarët palestinezë. Dhuna vjen përpara hapjes së ambasadës amerikane në Jerusalem, e cila ka zemëruar palestinezët.
Ata e shohin atë si mbështetje të qartë amerikane për sundimin izraelit mbi të gjithë qytetin.
Në hapjen e ambasadës do të merrnin pjesë zyrtarë të lartë të SHBA-së, përfshirë edhe vajzën e presidentit Donald Trump. Sundimtarët islamikë të Gazës, kanë bërë protesta masive në një “Marshim të Madh “për gjashtë javët e fundit. Izraeli thotë se demonstruesit po përpiqen të shkelin gardhin kufitar.
Një djalë 14-vjeçar ishte mes viktimave të hënën dhe më shumë se 900 vetë u plagosën, tha ministria e shëndetësisë e drejtuar nga Hamasi.
Palestinezët hodhën gurë ndërsa ushtria izraelite përdori snajperët.
Ushtria e Izraelit tha se 10,000 “protestues të dhunshëm” ishin mbledhur përgjatë rrethojës së sigurisë dhe se trupat e saj po vepronin “në përputhje me procedurat standarde”./Opinion.al
Burimi:BBC
