Zëvendës kryeministrja Belinda Balluku njëherazi ministre e infrastrukturës dhe transporteve bëri inspektimin e fundit të tunelit të Murrizit ku ka përfunduar ndërtimi pas tejkalimit të një mori me probleme shkaktuar nga gjeologjia shkëmbore.
Ministrja Balluku tregoi se kur ky tunel, pjesë e rrugës së Arbrit, do të jetë i kalueshëm për automjetet.
“Ky tunel do të hapet në Mars 2025 me të gjithë pjesën tjetër të përfunduar pra edhe tunelin e emergjencës të përfunduar në detaje siç është përfunduar ky tunel. Unë shikoj që ka grupe që punojnë vetëm me detajet”,-ka thënë Balluku.
