Hamilton ka dhënë shenja se nuk e ka harruar aspak ish të dashurën e tij, këngëtaren e njohur Nicole Schrezinger.
Përpara garës së tij me Formula 1, ai mendjen e kishte pikërisht te Nicole, pasi shpërndau video duke dëgjuar këngën e saj dhe i dedikoi një mesazh, shkruan TheSun, transmeton lajmi.net.
32-vjeçari duket se ishte humbur në mendime për ish të dashurën e tij 38-vjeçare, Nicole Schrezinger, pak orë para fillimit të garës.
“Nicole e ka kënduar këtë këngë për mua, sa këngë e bukur. Kohë të mira” ka shkruar Lewis sipër videos së shpërndarë në rrjete sociale.
I bërë gati për garën, ai ishte ulur dhe dëgjonte këngën teksa shihej me emocione në fytyrë kur dëgjoi zërin e Nicole.
Kur çifti ishin ndarë në vitin 2015, Lewis kishte lënë të kuptohet se ndarja e kishte goditur shumë, por duket se ai ka ende ndjenja të forta për të.
