Hamas ka publikuar emrat e tre pengjeve femra që pritet të lirohen në armëpushimin e sotëm pasi të hyjë në fuqi.
Në një postim në Telegram, Hamasi tregon se ata janë Romi Gonen, Emily Damari dhe Doron Steinbrecher.
Doron Steinbrecher, 31 vjeç, një infermiere ishte në banesën e saj në Kibbutz Kfar Aza kur Hamasi sulmoi.
Në orën 10:30 të datës 7 tetor, ajo u dërgoi një mesazh zanor miqve: “Ata kanë ardhur, më kanë marrë mua”.
Emily Damari, 28 vjeç, e cila ka shtetësi të dyfishtë britaniko-izraelite, u mor peng nga Kibbutz Kfar Aza. Duke iu drejtuar një ngjarje përkujtimore në Londër më 6 tetor 2024, nëna e saj Mandy tha se pengjet e liruara nëntorin e kaluar i kishin thënë asaj se kishin pasur kontakt me Emily.
Romi Gonen, 24 vjeçe, iu zu pritë teksa tentoi të arratisej nga festivali Supernova.
Nëna e saj, Merav Leshem Gonan, iu drejtua Këshillit të OKB-së për të Drejtat e Njeriut në qershor, kur ajo bëri thirrje për ndihmë ndërkombëtare për lirimin e pengjeve.
Zyrtarët izraelitë ende nuk e kanë konfirmuar se lista është pranuar. Zëdhënësi i Netanyahut, David Mencer, i tha NBC News se nuk kishte “asgjë për të konfirmuar zyrtarisht në këtë moment” përpara deklaratës së Hamas.
Izraeli njoftoi se marrëveshja e armëpushimit pritej të fillonte në orën 8:30 të mëngjesit me orën lokale, por u shtyjë pasi tha se lista me tre emrat e pengjeve të parë që u liruan nuk ishte publikuar nga Hamas.
