Pasi faqja e webit doli jashtë funksionit si pasojë e hakerimit nga grupi “Homeland Justice”, ka reaguar Bashkia e Tiranës.
Konkretisht, në një reagim zyrtar, bashkia thotë se ka pasur një problematikë të serverëve të saj, për këtë arsye linku i platformës për regjistrimin e fëmijëve në kopshte nuk është funksionale.
Kjo ka bërë bashkinë të pezullojë procesin e aplikimeve deri në momentin që do të jetë funksionale.
“Ju informojmë se për shkak një problematike të serverave të Bashkisë Tiranë, linku i Platformës së Aplikimeve për Regjistrimin e Fëmijëve në Çerdhet dhe Kopshtet Publike e-femijet.tirana.al nuk është funksional. Në këtë kuadër, procesi i aplikimeve do të pezullohet deri në momentin që platforma do të jetë funksionale.
Në vijim do t’ju informojmë kur platforma do të jetë përsëri funksionale dhe mbi shtyrjen e afatit të aplikimeve”, njoftoi bashkia.
