Policia e Tiranës ka zbuluar bandën e vjedhjes së banesave në Tiranë, duke prangosur një nga hajdutët dhe shpallur në kërkim tjetrin.
Në një njoftim për media, policia ben me dije se në pranga u vu Oltion Nurçe, 39 vjeç, banues në Tirane, i denuar edhe me pare per vjedhje.
Në një video të postuar nga “Report TV”, duket Nurce se si vepron per hapjen e bravave te dyerve.
Nurçe i njohur me nofkën “Kiçi”, vepronte se bashku me Xhiljon Hoxhën. Policia ka njoftuar se rreth 12 vjedhje dyshohen se mbajnë autorësinë e këtyre personave, ndërkohe qe janë dokumentuar 6 prej tyre.
Si bëhej vjedhja
Pamjet që shihni i përkasin pikërisht një prej rasteve të vjedhjeve të kryera nga personat e identifikuar tashmë. Personi i cili futet i pari në shkallë dhe që sipas policisë është identifikuar me emrin Xhiljon Hoxha, hyn në korridorin e pallatit dhe kontrollon nëse ka kamera sigurie.
Pavarësisht kësaj, ai nuk arrin të shikojë se ku është vendosur kamera. Më pas, të dy hyjnë në ashensor dhe futen në pallat, ku edhe sipas policisë, kanë kryer një vjedhje.
Pamjet mësohet se janë marrë në një pallat në rrugën “Zef Jubani”, ndërsa kanë ndihmuar policinë të identifikojë autorët e dyshuar.
Vjedhjet e dokumetuara:
- Më datë 22.03.2016, në rrugën “Frederik Shiroka”, është vjedhur banesa e Y.K., 77 vjeç, banues në Tiranë, ku janë marrë një varëse floriri, një unazë dhe një sasi prej 150.000 lekësh.
- Më datë 28.03.2016, në rrugën “Zef Jubani”, është vjedhur banesa e A.B., 41 vjeç, banues në Tiranë, ku janë marrë shuma e 35.000 lekëve dhe disa bizhuteri të ndryshme.
- Më datë 24.04.2016, në rrugën “Muhamet Gjollesha”, është vjedhur banesa e E.Sh., 32 vjeç, banues në Tiranë, ku janë marrë një lap-top dhe disa bizhuteri të ndryshme.
- Më datë 27.04.2016, në rrugën “Irfan Tomini”, është vjedhur banesa e D.K., 45 vjeçe, banuese në Tiranë, ku janë marrë tre kompjutera “Lap-top”, një telefon celular tip “Samsung Galaxy”, një shumë prej 400 euro, 30.000 lek dhe disa bizhuteri.
- Më datë 04.05.2016, në rrugën “Tish Daia”, është vjedhur banesa e E. h., 51 vjeçe, banuese në Tiranë, ku janë marrë 260.000 lekë.
