Deputetja Rudian Hajadari deklaroi në studion e emisionit Opinion se palët politike ndahen në reformën zgjedhore tek çështja e sistemit zgjedhor. Sipas saj në tryezën e reformës janë bërë propozime të ndryshëm por nuk është folur për thelbin e problemit i cili sipas saj është sistemi zgjedhor.
“Partia Demokratike ka ardhur me propozime për kolegjin, angazhimet e policisë, SPAK. Këto rregullojnë disa gjera por jo ajo që ka nevojë populli, rikthimi i sovranitetin popullit. Çfarë duan ata? Të krijojnë një ambient që ti favorizojë ata në zgjedhjet e ardhshme. Por favorizimi duhet të shkojë kah qytetarit shqiptar. Sot që nga 2008 kemi një sistem që ka shumë probleme në parlament ka rënë cilësia kanë ardhur kriminelë. Deputeti sot vlen sa një fjalë e kryetarit të partisë nuk ka dinjitet njerëzor. Unë luftoj për këtë gjë dhe e vë në dukje. Ne duhet të kapim thelbin që është sistemi zgjedhor jo të rrimë të flasim për administratën dhe kolegjin zgjedhor. Unë nuk jam në atë tryezë për të qenë fasadë”, tha Rudina Hajdari.
Ajo shtoi se reforma është zvarritur shumë dhe është kthyer edhe në detyrim ndërkombëtar. Sistemi proporcional kombëtar me lista të hapura sipas saj është i duhuri por ajo nënvizoi se është e rëndësishme që të gjithë të marrin pjesë në këtë proces.
“Reforma është zvarritur shumë , është bërë një detyrim ndërkombëtar edhe për mua është e rëndësishme dhe jo vetëm, edhe shoqëria e do reformën zgjedhore. Ka patur disa propozime, unë kam qenë për proporcional kombëtar me lista të hapura. Do të zgjidhte disa nga problemet e zgjedhjeve. Nuk është mbi çfarë dua unë por të gjithë të vinë për të gjetur konsensus. Këto janë parti politike me interesa vetjake dhe nuk kanë të bëjnë me interesat e shqiptarëve”, deklaroi Hajdari. /Opinion.al
