Komisioneri për Zgjerim në Bashkimin Europian, Johannes Hahn iu është bashkuar ndërkombëtarëve të tjerë që bëjnë thirrje për ulje të tensioneve mes qeverisë dhe opozitës.
Gjatë një takimi me ministrin e Jashtëm në detyrë Gent Cakaj, ai ka shprehur shqetësimin për zhvillimin e ditëve të fundit në Tiranë. Përmes një postimi në Twitter, Hahn shkruan se Avancimi në rrugën drejt BE duhet të jetë mbi interesin e partisë dhe të përbëjë një qëllim kombëtar për të gjithë.
“Takim i mirë me Ministrin e Punëve të Jashtme të Shqipërisë, Gent Cakaj. Unë përsërita se Shqipëria duhet të shfrytëzojë mundësinë që të vazhdojë më tej reformat për të përparuar në rrugën e saj BE. Në mënyrë të barabartë kam shprehur shqetësimin tim të madh në lidhje me tensionet në rritje midis qeverisë dhe opozitës. Avancimi në rrugën drejt BE duhet të jetë mbi interesin e partisë dhe të përbëjë një qëllim kombëtar për të gjithë.” /G.F Opinion.al
