Përmes një postimi në rrjete sociale, kryeministri Edi Rama ka ndarë foton familjare të darkës së mikpritjes së Familjes Mbretërore për liderët e NATO-s. Kreu i qeverisë ishte i shoqëruar nga bashkëshortja e tij, Linda Rama.
Një ditë më parë, kryeministri zhvilloi një takim me senatorët e grupit vëzhgues për NATO-n në Senatin Amerikan.
Gjithashtu dje Rama zhvilloi takim dhe me Sekretarin e Përgjithshëm të NATO-s, Mark Rutte.
Angazhimet e samitit, Ballkani Perëndimor, Porti i ri i Durrësit, si dhe përgatitjet e samitit 2027 në kryeqytetin shqiptar, janë disa prej diskutimeve mes Ramës dhe Rutte-s. Lidhur me portin e ri të Durrësit, Rama cilëson se NATO do të angazhohet për terminalin ushtarak.
