Kreu i Libra-s, Ben Blushi ta takuar sot ambasadorët Lu dhe Vlahutin, ku e pranishmë ishte edhe deputetja Hafizi.
Në përfundim të takimit, Hafizi tha se “LIBRA është e vendosur për të marrë pjesë në zgjedhjet e ardhshme dhe e gatshme për të votuar procesin e Vetingut”.
“Siç ka prezantuar para disa ditësh ambasadorëve të Bashkimit Europian, Blushi i prezantoi ambasadorëve Lu dhe Vlahutin një paketë pikash orientuese bashkëpunimi, të cilat mund të çojnë në lehtësim të krizës politike, proces në të cilin LIBRA është e gatshme të japë kontributin e saj. U diskutua rreth nevojës për një prani të lartë ndërkombëtare në monitorimin e procesit zgjedhor, për monitorimin e sjelljes së policisë së shtetit gjatë zgjedhjeve, për numërim jomilitant të votave, dekriminalizim të listave zgjedhore dhe depolitizim të trupës së arsimtarëve dhe për transparencë dhe kufi të shpenzimeve të partive politike në fushatë”, u shpreh Hafizi.
