Ministrja e Arsimit Lindita Nikolla kthehej në bamirëse. Atë që në fakt duhet ta bëjnë shoqatat, ndihmën për prindërit e fëmijëve të dhunuar po e bën vetë Ministrja e Arsimit. Në fakt ajo çka kërkon nga MAS është: Të kalojë në sitë gjithë kopështet private të licencuara, të forcojë ligjet, të mbyllë informalet. Gjithsesi edhe akti human vlerësohet. Zotimi është ky: MAS do të punësojë prindërit e fëmijës së dhunuar dhe këtë e tha Sekretari i Përgjithshëm i këtij dikasteri, Plarent Ndreca. Ai, duke dashur ti kthejë një përgjigje njerëzore gjyshit të fëmijës së dhunuar, tha se po merren masa për trajtimin e këtij fëmije dhe gjithë familjes Aliaj.
Ndreca tha “Nikolla ka folur me Beqajn për të sjellë me punë në Tiranë nënën e fëmijës pasi punon në Lezhë dhe për të punësuar të atin e fëmijës pranë Bashkisë Tiranë”.
Kujtojmë se në një lidhje direkte me emisionin Opinion, më herët, gjyshi i 3 vjeçarit, Pashk Aliaj, tha se “shteti nuk po bën asgjë për këtë fëmijë”. Ai kërkon trajtim të specializuar mjekësor për nipin.
Ndërsa Saimir Kodra tha se babai i fëmijës ka qenë në punë private por e ka lënë dje për t’i qendruar pranë djalit.
