Ish-futbollisti i Interit, Juventusit dhe Milanit, pas largimit nga futbolli, tashmë po i përkushtohet biznesit të tij të prodhimit të verërave.
Prej shumë vitesh, italiani ka lidhje të ngushta me alkoolin, jo vetëm si prodhues, por edhe si konsumator.
Madje Pirlo në një deklaratë për “ La Republicca” ka deklaruar se edhe pas ndeshjeve, nuk ia ka kursyer kurrë vetes alkoolin.
“Edhe kur isha në aktivitet, nuk ia lija vetes mangët disa gota pas ndeshjeve, dhe po them disa. Një futbollist, gjatë javës, duhet të jetë shumë i kujdesshëm, sidomos kur afron ndeshje. Por pasi dilnim nga fusha, disa lëshime vetes ia lejoja, aq më shumë kur fitonim.
Madje, edhe pas trofeve me klubet, disa birra nuk mund të mungonin për mua… Festa pas Botërorit? Kur triumfuam në Gjermani festuam për një kohë të mirë, ahh sa shumë, me verë, por edhe me diçka tjetër që po e mbaj të fshehtë… Madje, ditën tjetër jam zgjuar duke mos mbajtur mend thuajse asgjë nga gjithë ajo që kishte kaluar. E rëndësishme ishte të festonim! Ishte momenti më i bukur i karrierës sime futbollistike” ka deklaruar fantazisti italian.
Pirlo i ka dhënë fund karrierës në futboll, por ende nuk ka zhvilluar ndeshjen e lamtumirës, ku është përcaktuar të luhet në 21 maj në stadiumin San Siro.
