Pep Guardiola, trajneri i Bayernit, thotë se ekipi i tij duhet të luajë shumë mirë në takimin e kthimit ndaj Atleticos për të kaluar në finalen e Ligës së Kampionëve
Bavarezët pësuan 1:0 në ‘Vicenta Calderon’ dhe takimin vendimtar e zhvillojnë javën e ardhshme në shtëpi, në ‘Alianz Arena’.
Guardiola ka kritikuar skuadrën e tij për lojë jo të mirë në Spanjë, që shpreson se nuk do të përsëritet në Gjermani.
“Duhet të luajmë ndryshe në ndeshjen e dytë. Nuk jam i lumtur se si luajtëm. Nëse i lëmë të vrapojnë dhe të fitojnë ndërhyrjet do të jetë e vështirë. Nuk është rezultat i mirë. Ishte ndeshje e mirë në përgjithësi, por startuam dobët. Nuk e fituam asnjë betejë. Nuk është e lehtë”, ka thënë Guardiola pas takimit.
