Edhe Françeska Jaçe i ka dhënë fund lidhjes njëvjeçare me të dashurin e saj 10 vite më të madh në moshë. “Panorama Plus” shkruan sot se vetëm pak kohë pasi ishbanorja e “Big Brother 5” u bë objekt i shtypit rozë për videoskandalin e sherrit publik me shoqen e saj të ngushtë, duket se gjërat nuk kanë shkuar siç duhet sa i takon jetës sentimentale të modeles.
Mediat kanë hamendësuar si fillim për shkak se në profilin e saj në Instagram, ajo i ka fshirë të gjitha fotografitë me të dashurin, madje edhe atë të profilit që kishin bashkë prej muajsh. Edhe pse Françeska nuk ka pranuar të japë asnjë deklaratë rreth historisë, miq të tyre kanë konfirmuar se në të vërtetë lidhja ka marrë fund për shkak të xhelozisë.
E vërteta është që këto kohë ata kanë kaluar një periudhë të trazuar, edhe për shkak të ndërhyrjes së personave të tretë, siç ishte marrëdhënia e tij problematike me ishpartneren. Historia e tyre vazhdoi më shumë se një vit, ndërsa kishin disa muaj që bashkëjetonin në Milano. 22vjeçarja nga Vlora ishte shumë aktive në Instagram, duke postuar herë pas here foto me të dashurin gjatë udhëtimeve të tyre luksoze nëpër Europë.
