Një seancë maratonë është zhvilluar në Gjykatën e Shkalles së Parë në Shkodër, ndaj 12 personave të arrestuar nga policia në operacionin e koduar “Maranaj”. Togat e zeza kanë lënë në burg të 12 të arrestuarit.
Të gjithë këta persona ishin të përfshirë në një skemë fajdesh. Nëse qytetarët nuk kthenin paratë për një javë, atyre u merreshin pronat që zotëronin, si makinat, apartamentet etj. Në këtë skemë ishin të përfshirë ish-kancelari gjykatës së Shkodrës, policë dhe noterë.
Ky grup kriminal u denoncua nga dhjetëra persona, mes tyre dhe ish prefekti, Paulin Radovani. Gjatë aksionit policia sekuestroi rreth 238 mijë euro, 272 mijë dollarë si dhe 20 automjete.
Të arrestuarit të cilët u lanë në burg nga Gjykata e Shkodrës janë:
1.Byrhan Alija 61 vjeç nga Shkodra
2.Edi Memcaj, 33 vjeç nga Shkodra
3.Adri Bala 22 vjeç nga Shkodra
4.Artan Dragani 39 vjeç nga Shkodra
5.Marjan Bregu 31 vjeç nga Shkodra
6.Vinko Nikprelaj 37 vjeç lindur në Podgoric dhe banues në Shkodër
7.Eduard Fusha, 38 vjeç nga Shkodra
8.Elidon Qerimaj, 41 vjeç, nga Shkodra
9.Pashko Vuksanlekaj, 54 vjeç nga Shkodra
10.Lul Sylja, 48 vjeç nga Shkodra
11.Naim Ahmetaj 52 vjeç lindur në Pukë dhe banues në Tiranë
12.Ilir Sokoli 38 vjeç, banues në Shkodër
