Duket se edhe kjo seancë plenare do të zhvillohet mes kaosit dhe zhurmës në Kuvend.
Deputetët demokratë janë përplasur me efektivët e Gardës kur këta të fundit i ndaluan që të bllokonin foltoren me karrige.
Ndërkaq Garda ka marrë masa duke rrethuar këtë të enjte “Foltoren” e Kuvendit.
Ndërkohë deputeti Ervin Salianji hipi mbi tavolinë dhe u përpoq t’i hidhte karriget nga lart.
“Do ta shihni dhe ju dhe këta, legena”, u shpreh ai.
Edhe pse jo në foltore si herët e kaluara, demokratët arritën të bënin një grumbull me karrige.
Në seancën e sotme pritet të miratohet nen për nen buxheti për vitin 2024.
Kujtojmë se 6 deputetë të PD-së, përfshi Berishën, Bardhin dhe Nokën, janë përjashtuar për 10 ditë nga punimet e Kuvendit.
