Një grua shqiptare, emri i të cilës nuk bëhet publik për shkak të hetimeve është kapur duke shpërndarë kokainë. Asaj iu gjet në total 8 gramë që e kishte fshehur në vende që zor se të shkon mendja; si në buzëkuq, apo në vezët çokollatë fë fëmijëve.
Gruaja 39-vjeçare, nënë e tre fëmijëve është arrestuar pasi u pikas teksa bënte lëvizje të dyshimta me makinë, në zonën e Cassano d’Adda të Milanos.
Karabinierëve u bëri përshtypje fakti se gruaja e ndaloi menjëherë makinën për të folur nga dritarja me një të panjohur. Pas ndërhyrjes, i kapën dy gramë kokaine në buzëkuq dhe 270 euro.
Më pas ushtruan kontroll në shtëpinë e saj, ku gjetën gjashtë gramë të tjerë kokainë, si dhe mjetet për peshimin dhe paketimin e saj. Po kështu u gjetën dhe sekuestruan 2 300 euro.
