Një grua nga Teksasi është sulmuar nga një gjarpër dhe një skifter në të njëjtën kohë.
Peggy Jones, 64 vjeç, po kosiste lëndinën me burrin e saj rreth orës 20 të mbrëmjes në Silsbee, Teksas – më pak se një orë nga kufiri i Luizianës – kur një gjarpër i madh ra nga qielli mbi të dhe iu mbështoll rreth krahut.
Gjarpri kishte shpëtuar nga kthetrat e një skifteri, i cili menjëherë u sul drejt gruas për të marrë prenë e tij. E ndërsa gjarpri shtrëngohej rreth krahut të saj dhe e godiste atë në fytyrë, skifteri që tentonte të kapte ushqimin e tij, e godiste gruan me kthetra.
Jones i tha gazetës: “Tundja krahun për të provuar të hiqja gjarprin. Ai thjesht mbështillej dhe shtrëngohej gjithnjë e më fort.”
Gjatë gjithë kohës, gjarpri po e godiste atë në fytyrë, duke thyer syzet e gruas.
“Skifteri po përpiqej për të kapur gjarpërin,”- i tha Jones Bee. “Krahët e tij po më qëllonin me shpullë teksa ai po i binte me thua gjarprit dhe nga këtu erdhën prerjet dhe çarjet më të thella.”
Jones tha se skifteri u tërhoq dhe u kthye te gjahu i tij rreth katër herë, duke e goditur atë në fytyrë me krahët e tij.
Incidenti i tmerrshëm e la gruan 64 vjeçare me plagë të shumta në krah dhe fytyrë.
