Gjykata e Shkodrës ka lënë në burg Erdgys Arrazin, i cili akuzohet për “shkaktimit të vetëvrasjes” ndaj gruas së tij Alma Arrazi, e cila u vetëhodh se bashku me 3 fëmijët në ujërat e lumit Buna.
Dyshohet se Alma Arrazi u hodh së bashku me 3 fëmijët në përpjekje për t’i shpëtuar dhunës bashkëshortore.
Paraditen e kësaj të marte është gjetur trupi i djalit 3-vjeçar dhe i Alma Arrazit.
Pas kërkimeve intensive trupi i pajetë u gjet në ujërat e lumit Buna nga forcat speciale në afërsi të fshatit Oblikë të njësisë Ana e Malit.
Një ditë më parë është gjetur trupi i pajetë, i 8-vjeçares, Greis Arrazi, e cila përcillet sot në banesën e fundit.
Ndërsa ditën e djeshme familjarët i dhanë lamtumirën e fundit vajzës së parë, Ergesës, 9-vjeçe.
