Kishin 25 vite të martuar por vendosën të ndaheshin. Bëhet fjalë për Liz Haslam dhe tashmë ish bashkëshortin e saj Mike. 49-vjeçarja është një kafshë-dashëse e cila zotëron plotë 30 qen të llojit Bull Terrier. Bashkëshorti i saj Mike, i cili nuk e duronte dot më situatën në shtëpi, i ka vendosur asaj një ultimatum; ose qentë, ose martesën. Dhe Liz zgjodhi pikërisht 30 qentë e saj.
Liz e cila është nënë e një fëmijë, tregoi për Daily Mail se e la bashkëshortin që në momentin kur ai e detyroi të zgjidhte mes qenve dhe atij.
“Mendova se ai e kishte kuptuar pas 25 viteve që unë nuk kisha ndërmend t’i jepja fund situatës time me qentë. Ai arriti deri në pikën që nuk duroi dot më, dhe donte që të ngadalësonte hapat.”-u shpreh ajo.
Por Liz nuk ishte gati të hiqte dorë nga dashuria për qentë. Ata u njohën që kur Liz ishte 16 vjeç, dhe deri vitin e kaluar kanë pasur një martesë të shëndetshme, e cila u sakrifikua nga dashuria e gruas për qentë e saj. Ajo ka shpëtuar plotë 30 qen nga qendra të ndryshme për strehimin e tyre, dhe kujdeset për ta në shtëpinë e saj. Ata janë të gjithë të së njëjtës rracë, dhe Liz i identifikon me emra të ndryshëm, dhe nuk gabon në njohjen e tyre.
Ajo ka rrëfyer se dashuria e saj për kafshët, ndikoi në martesë pasi bëri që ajo dhe bashkëshorti të ftoheshin me kalimin e viteve. Kjo arriti deri në pikën sa ai i kërkoi të bënte një zgjedhje, dhe ajo zgjodhi 30 qen duke lënë bashkëshortin prej 25 vitesh të largohej. /Opinion.al
