Herën e fundit që ai u shfaq në Tiranë, ishte pikërisht në mbrëmjen gala të quajtur “Oda”, ku personalitetet më të famshme shqiptare që po bëjnë karrierë përtej kufijve tanë, u bën bashkë në një eveniment të rëndësisë së veçantë, plot figura VIP dhe surpriza.
Më pas, ai ishte pjesë e emisionit “Xing” me Ermalin ku super Mario siç njihet ndryshe u prezantua në studion televizive me plis në kokë, si për të vërtetuar edhe njëherë se ai nuk e harron kurrë origjinën e tij. Mario Dedivanoviç, është jo vetëm artisti i grimit ndër të njohurit në botë, por klientët e tij ekskluziv janë yjet më të mëdhenj të showbiz-it botëror. Nga Kim Kardashian, Megan Fox, Eva Longoria, Demi Lovato, etj këto janë yjet që i besojnë atij imazhin e tyre të bukurisë.
Ndërkohë, make up artisti Mario ka bërë me dije se në muajin Maj do të mbajë në Tiranë master classin e grimit, që po pritet me padurim nga të gjithë, dhe këtë fakt e ka përforcuar edhe ai vet. Përmes një fotoje të postuar në instagram, i veshur me një T-shirt të kuq që në fokus të tij ka shqiponjën e zezë dykrenare, super Mario pyet se kush do marrë pjesë në master classin e ardhshëm në Tiranë? Bluzja bie vërtet në sy, sakaq edhe dizajni i saj bën që të mendojmë se ai nuk i harron rrënjët e tij.
Ai mezi po pret të ndaj me të gjithë këtë përvojë në kryeqytetin shqiptar! Edhe ne gjithashtu!
