Mesfushori Eros Grezda mungoi në ndeshjen miqësore që Shqipëria luajti ndaj Kosovës dhe Ukrainës për shkak të një dëmtimi.
Ndërkohë lojtari pritet të rikthehet në fushë dhe këtë gjë e ka konfirmuar vetë, por si dhe ka folur për të ardhmen.
“Rikuperimi ka ecur vërtetë mirë. Kemi 10 ditë që kemi nisur përgatitjet në fushë dhe në muajin shtator do të jetë e sigurt që do të jem në dispozicion të Panuçit dhe Shqipërisë.
Jam ende në fazë rikuperimi, por edhe merkatoja vijon. Duhet të jem në 100 % dhe pastaj të shohim se çfarë do na sjellë e ardhmja. Bundesliga është kampionati ku unë mendoj se do të ndihesha më mirë, por jam i hapur për një aventurë në kampionatet kryesore të Europës”, u shpreh Grezda.
