Në burgun e Drenovës në Korçe ka nisur greva më e pazakontë. 137 të burgosurit nuk protestojnë për kushtet e jetesës si zakonisht, por për përshpejtimin e reformës në drejtësi.
Ata kanë paraqitur një seri kërkesash që kanë të bëjnë me çështje ligjore, ndryshime ligjore dhe sqarim të konflikteve ligjore. Të burgosurit, edhe me ndihmën e ndonjë juristi që ndodhet pas hekurave i kanë dorëzuar drejtuesve të burgut listën e kërkesave. E para është për përshpejtimin e Reformës në Drejtësi si edhe ndryshime në disa prej ligjeve që lidhen me dënimet e tyre.
