Situata e zjarreve është tepër alarmante në vend, vetëm pak më parë Emergjencat Civile njoftuan për 25 vatra të reja zjarri.
Kështu, burime nga Ministria e Jashtme konfirmojnë se Ministri Ditmir Bushati ka kontaktuar me homologun e tij grek Kotzias dhe i ka kërkuar ndihmë Greqisë për avion për shuarjen e flakëve. Mësohet se, pas bisedës ai ka marrë mbështetjen e homologut të vendit fqinj. “Duke siguruar mbështetjen e tyre do të nisen 2 avion zjarrfikës nga Korfuzi për të ndihmuar përpjekjet e zjarrfikësve shqiptarë”, – ka njoftuar ministria.
