Çfarë duhet të dini për “murtajën e dhive” që është ripërhapur në Europë dhe tashmë ka prekur prodhimin e “arit të bardhë” të Greqisë.
Në fillim e zbuluar më 11 korrik në Selanik, peste de petits ruminants (PPR) e cila është tejet ngjitëse, u përhap shumë shpjet në disa ferma në Rumaninë fqinje. Për pasojë, autoriteteve iu desh që të asgjësonin thuajse 58 000 dele dhe dhi.
Për të luftuar epideminë, autoritetet greke kanë vendosur kufizime në të gjithë vendin, përfshirë këtu edhe ndalimin e lëvizjes së dhenve dhe deleve nga fermat në të cilat ndodheshin.
Kjo sëmundje përbën një rrezik madhor për industrinë vendase të blegtorisë dhe atë të prodhimit të djathit feta, një gur themeli i ekonomisë së saj.
Përafërsisht 40% e djathit të butë të Greqisë rrjedh nga qumështi i deleve dhe i dhisë, i prodhuar në Thesali. Kjo industri akoma nuk e kishte marrë veten nga përmbytjet e vitit të shkuar.
Greqia prodhon rreth 140 mijë ton djathë feta në vit, duke eksportuar rreth 65% të produkteve dhe në këtë mënyrë duke luajtur një rol të rëndësishëm në tregun global të bulmetit, pavarësisht përmasave të tij.
PPR nuk transmetohet nga kafshët te njerëzit. Për rrjedhojë, mishi dhe qumështi nga kafshët e prekura mbetet i sigurt për konsumim. Megjithatë, sëmundja prek në mënyrë të konsiderueshme prodhim për shkak të nevojës për të neutralizuar numra të mëdha kafshësh, për të kufizuar përhapjen e saj.
Sipas Organizatës së OKB-së për Ushqimin dhe Bujqësinë (FAO), simptomat e sëmundjes përfshijnë depresionin, temperaturën, rrjedhjet e hundës dhe të syrit, plagët e gojës, problemet me frymëmarrjen, diarrenë dhe ngordhje.
